All'amico Fernando Celin

 La so Venezia, Celin pitor,
da bon venezian, la vede col cuor.
Come un amante la struca, la basa
e fata a tocheti, la mete in soasa.

Un ponte sul rio, gondole al tragheto,
Rialto coi banchi e San Giacometo
la Venezia più cara, la Venezia sincera
la Venezia più sconta, la Venezia più vera

momenti de vita tacai su la tela
de zente viva, de zente bela,
che come el sangue, che vita da,
fa ancora viver sta vecia çità.

Fin che ghe resta un qualche pitor
che oltre al penelo pitura col cuor
sarà più difiçile, nel tempo a venir
che la mama Venezia la gabia a morir.

Elio Ferrari, 1978